ವಿಷಯಕ್ಕೆ ಹೋಗಿ

ಚಿಂಗ್ರಿ ಶೋಕಿಯವ ಕಾಣುತ್ತಿಲ್ಲ...


ನಾನು ಸಾಗರದ ಜೂನಿಯರ್ ಕಾಲೇಜಿಗೆ ಹೋಗ್ತಾ ಇದ್ದಾಗ ಸಾಗರ ಪಟ್ಟಣದಲ್ಲಿ ಒಬ್ಬ ವ್ಯಕ್ತಿ ಇದ್ದ. ಅವನದು ಒಂತರ ಏಕ ವ್ಯಕ್ತಿ ನಾಟಕದ ರೀತಿಯ ಜೀವನ. ಸಾಗರದ ಎರಡು ಮೂರು ಕಡೆ ಅವನದೇ ಆದ ಜಾಗ ಇತ್ತು. ಅದರಲ್ಲಿ ಒಂದು ಪ್ರಸಿದ್ದ ಜಾಗ ಅಂದರೆ ದೊಡ್ಡ ಅಸ್ಪತ್ರೆಯ ಎದುರಿನ ಪುಟ್ ಪಾತು.

ಮದ್ಯಾಹ್ನ ಸುಮಾರು ಮೂರು ಗಂಟೆಗೆ ಅವನ ಶೋ ಪ್ರಾರಂಭ ಆಗುತ್ತಿತ್ತು. ಶ್ರೀ ಟಾಕಿಸು ಮತ್ತು ಸಾಗರ ಟಾಕಿಸಿನಲ್ಲಿ ಮ್ಯಾಟ್ನಿ ತಪ್ಪಿಸಿಕೊಂಡವರು, ಸಂತೆ ಗಿಂತೆ ಏನೂ ಅಲ್ಲದೆ ಯಾವ್ದೋ ಸರ್ಕಾರಿ ಕಚೇರಿ ಕೆಲಸಕ್ಕೆ ಬಂದವರು, ಆ ಸಮಯಕ್ಕೆ ಊರಿಗೆ ತೆರಳಲು ಬಸ್ ಇಲ್ಲದೆ ಇದ್ದವರು... ಹೀಗೆ ಕೆಲವಾರು ಮಂದಿ ಅವನ ಪ್ರದರ್ಶನದ ಗಿರಾಕಿಗಳು ಮತ್ತು ಕುರಿಗಳು. ನಾವು ಮದ್ಯಾಹ್ನದ ಕ್ಲಾಸಿಗೆ ಚಕ್ಕರ್ ಹಾಕಿಯೋ, ಅಥವಾ ಟೀಚರೇ ಚಕ್ಕರ್ ಹಾಕಿದ್ದರಂತಲೂ... ಒಟ್ಟಿನಲ್ಲಿ ನೆಹರು ಮೈದಾನದಲ್ಲಿ ದಾಟಿ ಆಸ್ಪತ್ರೆ ಪಕ್ಕದ ರಸ್ತೆಯಲ್ಲಿ ಇಳಿದರೆ ನೇರ ಹೋಗಿ ನಿಲ್ಲುತ್ತಿದ್ದುದು ಅವನ ಪ್ರದರ್ಶನದ ಎದುರೇ.

ಹಾಗೆ ನೋಡಿದರೆ ಅವನ ಬಳಿ ಏನೂ ಇರಲಿಲ್ಲ, ಒಂದು ತಮಟೆ, ಒಂದು ಪುಂಗಿ ಮತ್ತೊಂದು ಕೇರೆ ಹಾವು! ಅಷ್ಟೇ ಇದ್ದಿದ್ದು. ಅಷ್ಟು ಬಿಟ್ಟರೆ ಉಳಿದಂತೆ ಅವನ ಬಂಡವಾಳ ಮಾತು ಮಾತು ಮಾತು.. ಅಷ್ಟೇ.

ಆ ಕೇರೆ ಹಾವನ್ನು ಅವನು ಯಾವತ್ತೂ ಪೂರ್ತಿ ತೆರೆದು ತೋರಿಸಿದ್ದು ನಾನು ನೋಡಲಿಲ್ಲ. ಒಂದು ದಬ್ಬಾದ ಒಳಗೆ ಅಡನ್ನು ಇಟ್ಟು, ಒಂಚೂರು ಬಾಲ ಮಾತ್ರ ಹೊರಗೆ ಕಾಣಿಸುವಂತೆ ಮಾಡಿರುತ್ತಿದ್ದ. ಆದರೆ ಹೇಳುವುದು ಮಾತ್ರ "ಏಳು ಹೆಡೆಯ ಮಾಶೇಷ ಅದು, ನೋಡ್ತಾ ಇರಿ ಈಗ ತೆರೆದು ತೋರಿಸ್ತೀನಿ" ಅನ್ನುತ್ತಿದ್ದ.

ಜನ ಎಲ್ಲ ಏಳು ಹೆಡೆಯ ಮಾಶೇಷನನ್ನು ನೋಡಲು ಕಾತರದಿಂದ ನಿಲ್ಲುತ್ತಿದ್ದರು. ಕೂಡಲೇ ಅವನು ಮಾತು ಬದಲಿಸಿ ಇನ್ನೊಂದು ಏನೋ ವಿಷಯ ತಗೊಂಡು ತಮಟೆ ಬಾರಿಸತೊಡಗುತ್ತಿದ್ದ! ಆ ವಿಷಯ ಜನರಿಗೆ ಬೋರ್ ಆಗುತ್ತಿದೆ ಅಂತ ಗೊತ್ತಾದರೆ ಮತ್ತೊಂದು ವಿಷಯ. 'ಇವನದು ಬರೀ ಇದೇ ಆಯ್ತು' ಅಂತ ಜನ ಹೊರಡಲು ತಯಾರಾದರು ಅಂದರೆ ಮತ್ತೆ ಅವನ ಬಾಯಲ್ಲಿ ಏಳು ಹೆಡೆಯ ಮಾಶೇಷ!! 

ಹೀಗೆ ಜನರನ್ನು ಹಿಡಿದಿಟ್ಟುಕೊಳ್ಳುವ ಚಾಕಚಕ್ಯತೆ ಅವನಿಗೆ ಇತ್ತು. ಆದರೂ ಕೆಲವೊಮ್ಮೆ ಜನ ನಿಲ್ಲುತ್ತಿಲ್ಲ ಅನ್ನಿಸಿದರೆ ತಕ್ಷಣ ನಿಂತಿದ್ದ ಎಲ್ಲರ ಸುತ್ತ ಒಂದು ಗೆರೆ ಹಾಕಿ "ಈಗ ಗಳಿಗೆ ಸರಿ ಇಲ್ಲ, ಇನ್ನು ಹತ್ತು ನಿಮಿಷ ಕಾಯಿರಿ, ಅಚ್ಛೇ ದಿನ್ ಬರುತ್ತದೆ. ಒಂದ್ವೇಳೆ ನನ್ ಮಾತು ಮೀರಿ ನೀವು ಗೆರೆ ದಾಟಿ ಹೋದುದೇ ಹೌದಾದರೆ ರಕ್ತ ಕಾರಿಕೊಂಡು ಸಾಯುತ್ತೀರಿ" ಎಂದೂ ಹೆದರಿಸಿ ಬಿಡುತ್ತಿದ್ದ!

ಇಡೀ ಸಾಗರವನ್ನು ಉದ್ದಾರ ಮಾಡಲು ತನ್ನಿಂದ ಮಾತ್ರ ಸಾಧ್ಯ ಎಂಬಂತೆ ಮಾತಾಡುತ್ತಿದ್ದ. ಯಾವ ಹಾವು ಕಡಿದರೂ ಅದಕ್ಕೆ ತನ್ನ ಬಳಿ ಮದ್ದು ಇದೆ ಅಂತ ಹೇಳಿ ಅದೇನೋ ಹಾವಿನ ತರದ್ದೇ ಒಂದು ಬೇರು ಕೊಟ್ಟು ಹಣ ಪಿಕುತ್ತಿದ್ದ. ಹಾಗೆಯೇ ಇದ್ದಕ್ಕಿದ್ದಂತೆ ಆ ವಿಷಯ ಬಿಟ್ಟು ಮತ್ತೊಂದಕ್ಕೆ ಮಂಗನಂತೆ ಎಗರಿ ಬಿಡಿತ್ತಿದ್ದ. ಮತ್ತೆ ಅದೇ ಏಳು ಹೆಡೆಯ ಮಾಶೇಷ !!

ಇದ್ದಕ್ಕಿದ್ದಂತೆ "ಎಲ್ಲರೂ ತಮ್ಮ ಜೇಬಿನಲ್ಲಿ ಇರುವ ಹಣವನ್ನು ತೆಗೆದು ಕೈಲಿ ಹಿಡ್ಕೊಳ್ಳಿ" ಅಂತಿದ್ದ. ರಕ್ತ ಕಾರುವ ಹೆದರಿಕೆಯಿಂದ ಎಲ್ಲ ಹಾಗೆಯೇ ಮಾಡುತ್ತಿದ್ದರು. ಅವನು ಅದೂ ಇದೂ ಅಂತ ಏನೇನೋ ಹೇಳಿ ಎಲ್ಲರ ಕೈಯಿಂದ ಒಂದೆರಡು, ಅಥವಾ ಐದು, ಹತ್ತು ರೂಪಾಯಿಗಳನ್ನು ತೆಗೆದು ತನ್ನ ಜೇಬಿಗೆ ಹಾಕಿಕೊಂಡು ಜನರು ಏನಾಯ್ತೆಂದು ಅರಿಯುವ ಮೊದಲೇ ಮಾಶೇಷನ ಬಗ್ಗೆ ಮಾತು ಶುರು ಮಾಡುತ್ತಿದ್ದ!! "ಈಗ ನೋಡಿ, ಇದರ ಏಳು ಹೆಡೆಯನ್ನ ಹೇಗೆ ತೋರಿಸ್ತೀನಿ ಅಂತ" ಅನ್ನುತ್ತ....

ಹೀಗೆ ಚಿಂಗ್ರಿ ಆಟ ಆಡಿಕೊಂಡು, ಹಳ್ಳಿಗರನ್ನು ವಂಚಿಸಿ ಬದುಕು ಕಟ್ಟಿಕೊಂಡಿದ್ದ ಆ ವ್ಯಕ್ತಿ ನನ್ನಂಥವರಿಗೆ ಮನ ರಂಜನೆ ಮತ್ತು ಹೊತ್ತು ಕಳೆವ ಸರಕಾಗಿದ್ದ. ನಾನು ಊರು ಬಿಟ್ಟು ಚೆನ್ನೈ ಸೇರಿದೆ. ಆದರೂ ಸಾಗರ ಬಂದಾಗಲೆಲ್ಲ ಆಗಾಗ ಅವನು ಅಲ್ಲಿಲ್ಲಿ ಚಿಂಗ್ರಿ ಶೋ ತೋರಿಸುತ್ತ ಇದ್ದುದು ಕಾಣಿಸುತ್ತಿತ್ತು. ಆದರೆ ಅದೆಷ್ಟೋ ವರ್ಷಗಳಾದ ನಂತರ ಅವನು ಕಾಣಿಸದಾದ ಮತ್ತು ಕೊನೆಗೆ ಮರೆತೇ ಹೋದ. ಎಲ್ಲೋ ಅವನ ಗ್ರಾಚಾರ ಕೆಟ್ಟು ಯಾರ ಹತ್ರನೊ ಒಡೆ ತಿಂದು ಊರು ಬಿಟ್ಟಿರಬಹುದು ಅಂದುಕೊಂಡು ಸುಮ್ಮನಾದೆ.

ಅದೆಲ್ಲ ಆಗಿ ಈಗ... ಮೊನ್ನೆಯಿಂದ ಯಾಕೋ ಅವನ ನೆನಪು ಮತ್ತೆ ಮತ್ತೆ ಬರುತ್ತಿದೆ. ಯಾಕೆಂದರೆ ಅವನ ಗ್ರಾಚಾರ ಕೆಟ್ಟಿರುವ ಬದಲು ಅದೃಷ್ಟ ಕುಲಾಯಿಸಿ.. ದೆಹಲಿ ಹೋಗಿ ಎಲ್ಲಾದರೂ ಪ್ರದಾನ ಸೇವಕರ ಬಳಿ ಸಲಹೆಗಾರನಾಗಿ ಕೆಲಸಕ್ಕೆ ಸೇರಿಕೊಂಡು ಬಿಟ್ಟನಾ ಅಂತ!!
ಕಾಮೆಂಟ್‌‌ ಪೋಸ್ಟ್‌ ಮಾಡಿ

ಈ ಬ್ಲಾಗ್‌ನ ಜನಪ್ರಿಯ ಪೋಸ್ಟ್‌ಗಳು

ಶಿಕ್ಷಣದ ಬಗೆಗಿನ ನುಡಿಮುತ್ತುಗಳು

* ನಿಜವಾದ ಶಿಕ್ಷಣವೆಂದರೆ ಮಾನವೀಯತೆಯ ವಿಕಾಸ. - ಸ್ವಾಮಿ ವಿವೇಕಾನಂದರು.

* ಸಚ್ಛಾರಿತ್ರ್ಯದ ಬೆಳವಣಿಗೆಯೇ ಶಿಕ್ಷಣದ ಆರಂಭ. - ಮಾಹಾತ್ಮ ಗಾಂಧೀಜಿ.

* ಶಿಕ್ಷಣ ಪ್ರತಿ ವ್ಯಕ್ತಿಯಲ್ಲಿ ಪರಿಪೂರ್ಣತೆಯನ್ನು ತರಬೇಕು.  ಜೀವನದಲ್ಲಿ ಮುನ್ನಡೆಸುವ ಸಾಮಥ್ರ್ಯ ನೀಡಬೇಕು. -    ಜಿಡ್ಡು ಕೃಷ್ಣಮೂರ್ತಿ.

* ದೈಹಿಕ, ಮಾನಸಿಕ ಹಾಗೂ ಆಧ್ಯಾತ್ಮಿಕ ಪ್ರಗತಿಗೆ ಇಂಬು ಕೊಡದ ಶಿಕ್ಷಣ ಅಪೂರ್ಣ. - ಡಾ. ಎಸ್. ರಾಧಾಕೃಷ್ಣನ್.

* ಶಿಕ್ಷಣವೆಂದರೆ, ಪುಸ್ತಕದ ಜ್ಞಾನವೇ ಮಾತ್ರ ಅಲ್ಲ.  ಸಂಸಾರ, ಮನುಷ್ಯ ಮತ್ತು ಕಾರ್ಯ ಕಲಾಪಗಳ ಪರಸ್ಪರ ಸಂಯೋಗವೇ ಶಿಕ್ಷಣ. -    ಬರ್ಕ.

* ಜೀವನವೇ ಶಿಕ್ಷಣ, ಶಿಕ್ಷಣವೇ ಜೀವನ. - ಜಾನ್ ಟ್ಯೂಯ್ಲಿ.

* ಸಮನ್ವಯತೆ, ಸಮತೋಲನ, ಉಪಯುಕ್ತತೆ,  ಪರಿಪೂರ್ಣತೆ, ಆನಂದದಾಯಕ ಹಾಗೂ ನೈಸರ್ಗಿಕತೆಯೇ ಶಿಕ್ಷಣದ ಗುಣಗಳು. - ರೂಸೋ.

* ಶಿಕ್ಷಣವು ಧಾರ್ಮಿಕ ವಿಚಾರಗಳ ಸಮನ್ವಯವಾದಾಗಲೇ ಪೂರ್ಣವಾಗುವುದು. - ಅಜ್ಞಾತ.

* ನಡತೆ ಬೋಧಿಸುವ ಶಿಕ್ಷಣ, ಮನುಷ್ಯತ್ವ ತೋರದ ವಿಜ್ಞಾನ, ಇವೆರಡೂ ಅಪಾಯಕಾರಿ ಮತ್ತು ಉಪಯೋಗವಿಲ್ಲದವು. - ನೀತಿವಚನ.

* ಶಿಕ್ಷಣವೇ ಜೀವನದ ಬೆಳಕು - ಗೊರೂರು

* ಶಿಕ್ಷಣವು ಮನುಷ್ಯನನ್ನು ಶ್ರೇಷ್ಠ ನಾಗರಿಕನನ್ನಾಗಿ ಮಾಡುತ್ತದೆ. - ಡಾ: ಎಸ್. ರಾಧಾಕೃಷ್ಣನ್.

* ಮನುಷ್ಯರಲ್ಲಿ ಪರಿಪೂರ್ಣತೆಯನ್ನು ಹಿಗ್ಗಿಸುವದೇ ಶಿಕ್ಷಣ - ವಿವೇಕಾನಂದ.

* ವಿದ್ಯೆ ಗುರುಗಳ ಗುರು - ಭ್ರತೃ ಹರಿ.

* ವಿದ್ಯೆಯಿಂದಲೇ ಮನುಷ್ಯನಿಗೆ ಸುಖ, ಭೋಗ, ಧನ, ಕೀರ್ತಿ ಕೈಗೂಡುತ್ತದೆ …

ಗುರುವಿನಂತಹ ಆಂಟಿಯಿರಬೇಕು

ಎಲ್ಲರಿಗೂ ಅಂಥಹ ಆಂಟಿ ಸಿಕ್ಕಿಬಿಡುತ್ತಾರೆನ್ನಲಾಗದು. ಆದರೂ ಸಿಕ್ಕಿವರೇ ಅದೃಷ್ಟವಂತರು. ಆಂಟಿಯೆಂದರೆ `ಚಿಕ್ಕಮ್ಮ' ಎಂದು ಆರ್ಥ. ಅಂದರೆ ಅಮ್ಮನಿಗೇ ಸಮಾನ. ಆದರೆ ಆಂಟಿ ನೀಡುವ ಪ್ರೀತಿ. ವಿಶ್ವಾಸ ವಿಭಿನ್ನ. ಆಂಟಿ ಎಂಬುದರ ಅರ್ಥ ಚಿಕ್ಕಮ್ಮನೇ ಆದರೂ ಎಲ್ಲರಿಗೂ ಚಿಕ್ಕಮ್ಮ ಇರುವ ಸಂದರ್ಭ ಕಡಿಮೆ. ಇದ್ದರೂ ನಾವು ಬಯಸುವಂತಹ ದೇವರಂತಹ ಅಥವಾ ಗುರುವಿನಂತಹ ಆಂಟಿಯಾಗಿರಲೂ ಸಾಧ್ಯವಿಲ್ಲ. ಆಗ ಬೇರೆ ಯಾರೋ ಒಬ್ಬರು ಆ ಜಾಗಕ್ಕೆ ಬಂದರೆ ಉತ್ತಮ. ಆದರಲ್ಲೂ ಟೀನೇಜ್ನ ಹುಡುಗ ಹುಡುಗಿಯರಿಗೆ ಅಪ್ಯಾಯಮಾನಳಾದ ಒಬ್ಬ ಆಂಟಿ ಇರಲೇಬೇಕು.

ಆಕೆಗೆ ಮೂವತ್ತರಿಂದ ನಲವತ್ತು ವರ್ಷ ವಯಸ್ಸಿರಬೇಕು. ಅಂದಾಗ ಮದುವೆಯಾಗಿರುತ್ತದೆ. ಮತ್ತು ಹೆಚ್ಚು ಕಡಿಮೆ ಟೀನೇಜು ಪ್ರವೇಶಿಸುವ ಅಥವಾ ಪ್ರವೇಶಿಸಿರುವ ಮಕ್ಕಳಿರುತ್ತಾರೆ. ಗೆಳೆತನದ ಅನುಭವದ ಜೊತೆಗೆ ತಾಯ್ತನದ ಅನುಭವವೂ ಇರುತ್ತದೆ. ಆಕೆಯ ಮೇಲೆ ಗೌರವವೂ ಮೂಡುತ್ತದೆ. ಅವರು ನಮ್ಮನ್ನು ಪ್ರೀತಿಸುತ್ತಾಳೆ. ಒಳ್ಳೆಯ ಗುಣಗಳನ್ನು ಹೇಳಿಕೊಡುತ್ತಾಳೆ. ತಪ್ಪು ಮಾಡಿದಾಗ ಖಂಡಿಸುತ್ತಾಳೆ, ಜೋಕು ಹೇಳಿದಾಗ ನಕ್ಕು ಪ್ರೋತ್ಸಾಹಿಸುತ್ತಾಳೆ. ಅಲ್ಪಸ್ವಲ್ಪ ಪೋಲಿತನಗಳನ್ನೂ ಸಹಿಸುತ್ತಾಳೆ. ಹೆಚ್ಚಾದರೆ ತಿವಿದು ಬುದ್ಧಿ ಕಲಿಸುತ್ತಾಳೆ.

ಹೆಚ್ಚಾಗಿ ಸ್ವಂತ ಚಿಕ್ಕಮ್ಮನಿಲ್ಲದೇ ಹೋದಾಗ ಗೆಳೆಯ ಗೆಳತಿಯರ ತಾಯಿ ಈ ಪಾತ್ರ ವಹಿಸಬಲ್ಲರು. ಬಾಲ್ಯದಲ್ಲಿ ನಮ್ಮನ್ನು ಎತ್ತಿ ಮುದ್ದಾಡಿದ ಪಕ್ಕದ ಮನೆ ಆಂಟಿ ಈ ಸ್ಥಾನ ತುಂಬಲು ತೀರಾ ಯೋಗ್ಯ. ಈ ಆತ್ಮ…

ಭ್ರಷ್ಟಾಚಾರದ ಸುಳಿಯಲ್ಲಿ ಬಡ ಭಾರತ

ಭಾರತಕ್ಕೆ ಉತ್ತಮ ಭವಿಷ್ಯವಿಲ್ಲ ಅನ್ನೋದು ಪದೇ ಪದೇ ಸಾಬೀತಾಗುತ್ತಾ ಬಂದಿದೆ. ಎಲ್ಲೋ ಒಮ್ಮೊಮ್ಮೆ ಮಿಂಚಿನಂತೆ ಉದಯಿಸುವ ಆಶಾಕಿರಣಗಳು ಸ್ವಲ್ಪ ಸಮಯದಲ್ಲೇ ಭ್ರಷ್ಟ ಮೋಡದ ಸುಳಿಗೆ ಸಿಲುಕಿ ಜನರ ಎದುರಿನಿಂದ ಕಾಣೆಯಾಗುತ್ತಿರುವುದನ್ನು ಕಾಣುತ್ತಲೇ ಬಂದಿದ್ದೇವೆ. ಅಣ್ಣಾ ಹಜಾರೆ, ಸಂತೋಷ್ ಹೆಗಡೆ ಮುಂತಾದ ನಕ್ಷತ್ರಗಳು ಆಗಾಗ ಉದಯಿಸಿದರೂ ಸಹ ಅವರ ವರ್ಚಸ್ಸು ಮತ್ತು ಪ್ರಾಮಾಣಿಕತೆಯನ್ನು ಈ ಭಂಡ ರಾಜಕಾರಣಿಗಳು ಹೊಸಕಿ ಹಾಕುತ್ತಿದ್ದಾರೆ.

ರಾಜಕಾರಣಿಗಳು ಮಾತ್ರವಲ್ಲ, ಅಧಿಕಾರಿಗಳೂ ಭ್ರಷ್ಟರಾಗಿದ್ದಾರೆ. ಬರೇ ರಾಜಕಾರನಿಗಳನ್ನ ದೂರಿ ಪ್ರಯೋಜನವಿಲ್ಲ ಅನ್ನುವವರಿದ್ದಾರೆ. ಅದು ನಿಜ ಕೂಡಾ. ಆದರೆ ಆ ಅಧಿಕಾರಿಗಳನ್ನು ಕೊಬ್ಬಲು ಬಿಟ್ಟಿದ್ದು ಮಾತ್ರ ಇದೇ ರಾಜಕಾರಣಿಗಳೇನೆ. ರಾಜಕಾರಣಿಗಳು ಸರಿಯಾಗಿದ್ದರೆ ಅಧಿಕಾರಿಗಳನ್ನು ನಿಯಂತ್ರಿಸುವುದು ಕಷ್ಟದ ಕೆಲಸವೇನಲ್ಲ. ಮುಖ್ಯವಾಗಿ ಅಧಿಕಾರಿಗಳು ರಾಜಕಾರಣಿಗಳಷ್ಟು ಭ್ರಷ್ಟರಲ್ಲ. ಅವರಿಗೆ ಕೆಲಸದ ಭಯವಿರುತ್ತದೆ. ಕೆಲಸ ಕಳೆದುಕೊಂಡರೆ ಬದುಕೋದು ಕಷ್ಟ ಎಂಬ ಅರಿವಿರುತ್ತದೆ. ಆದರೆ ರಾಜಕಾರಣಿಗಳಿಗೆ ಯಾವ ಭಯವೂ ಇಲ್ಲ. ಒಮ್ಮೆ ಸೋತರೂ ಮತ್ತೊಮ್ಮೆ ಗೆದ್ದು ಬರಬಹುದು ಎಂಬ ನಂಬಿಕೆ ಅವರಿಗಿದೆ. ಯಡಿಯೂರಪ್ಪನಂತವರ ಕೃಪಾಕಟಾಕ್ಷವಿದ್ದರೆ ಸೋತರೂ ಸೋಮಣ್ಣನಂತೋರು ಮಂತ್ರಿ ಆಗ್ತಾರೆ. ಭಂಡ ರಾಜಕಾರಣಿಗಳಿಗೆ ಇನ್ನೇನು ಬೇಕು ?

ಹೀಗಾಗಿ ಇಂದು ಹಗರಣಗಳ ಮೇಲೆ ಹಗರನಗಳು ನಡೆಯುತ್ತಿವೆ. ಒಂದಾದ ನಂತರ ಮತ್ತೊಂದರಂತೆ ಸಾವಿರಾರು ಕೋಟಿಗಳ…